تامر حسني يؤازر شاب يعمل بفندق: “كان نفسي اشتغل ويتر في مطعم وأنا صغير” (صورة)
روى النجم تامر حسني، موقف تعرض له مؤخرًا، أثناء تواجده بأحد فنادق القاهرة الكبرى، لإحياء حفل زفاف، وذلك عبر صفحته الرسمية بـ”فيسبوك”.
وحدث هذا الموقف، عندما كان يدخل تامر إلى قاعة حفل الزفاف، حيث رأه هذا الشاب، الذي قال له أن حبيبته تركته، ليتصور معه تامر على هاتفه، ولم يستكمل حديثه معه بسبب ضيق الوقت.
نشر تامر صورته معه، وقدم له العديد من النصائح ليعمل بها في حياته ويطور من شخصيته سواء وجد حب حياته أو لا.
وقال تامر: “الشاب الجميل دا شافني داخل أغني في فرح وقفني و قالي أنا بشتغل تقريباً ويتر هنا في الفندق و حبيبتي سابتني النهاردة وأنا زعلان أوي بس أول ما شفتك فرحت عشان بحبك جداً”.
وتابع: “طلب مني نتصور بموبايلي وأنا اللي أنزل صورته عندي عشان يفرح و قالي أنا اسمي محمود كان نفسي أتكلم معاه بس كنت داخل اغني المهم يا محمود يا جميل بما أني معرفش ايه الأسباب اللي بعدتكوا عن بعض وبما أني مش ناسي الحزن اللي كان في عنيك هـكلمك هنا أكيد الدنيا مش هتقف بيك أهم حاجه تفضل تشتغل زي مانت كدا راجل و سيد الرجالة و ربنا إن شاء الله يصلحلك الحال و ممكن ترجعوا أو هيكرمك بإنسانة مناسبة ليك أكتر و خلي الخير بينكم حتى في الإنفصال جايز قربكم مش خير لبعض ربنا يكتبلك الصالح و يكتبلها الصالح”.
تامر حسني ينتهي من تسجيل أغنية في ألبومه الجديد.. ويشجع الجمهور على الرياضة (صورة)
وأستكمل: “أهم حاجة هوصيك بيها اشتغل و أكبر و أنجح و طور من نفسك..مين عارف جايز بعد سنين ربنا يجمعني بيك تاني وأشوفك صاحب الفندق أوعى تضحك و تقول مستحيل شغلانتك”.
وأختتم: “وأنا صغير اشتغلتها بس طبعاً مش في فندق شيك زي دا ،كانت في مطعم أقل من بسيط و عشان راجل مايئستش فضلت ورا حلمي لحد ماوصلتله يارب توصل لحلمك انت و كل الناس و آدي صورتك يا عم منوره عندي أهي متأكد ان كلامي إشاره ليك مهمه خليك شاطر وإفهم الإشارة.
ومن جانب آخر، ينتظر تامر حسني، عرض فيلمه الجديد “الفلوس” في مطلع شهر أكتوبر القادم، بجميع دور العرض، ويشاركه بطولته النجم خالد الصاوي، زينة، عائشة بن أحمد، محمد سلام، ومن تأليف محمد عبد المعطي، وإخراج سعيد الماروق.
