نشوى مصطفى: “مش محتاجة أمثل عشان الفلوس.. جوزي معاه الجنسية الأمريكية وساترني” (تدوينة)
ردت الفنانة نشوى مصطفى على منتقديها، الذين هاجمهوها بعدما نشرت إحدى التدوينات على حسابها الشخصي بـ”فيس بوك”، طالبت فيها بطريقة ساخرة بالعودة إلى التمثيل بعد إنقطاع دام لفترة، وظهور وجوة صاعدة متكسحين الساحة الفنية.
وكتبت منذ قليل على “فيس بوك”،: “توضيح هام، من يومين كتبت بوست والحقيقة كالعادة الفترة اللي فاتت بقيت أى حاجة بكتبها بيكون رد الفعل تجاهها أكبر من توقعاتي بمراحل، البوست كان ملخصه أني عايزة أمثل، والحقيقة أي فنان زميل هيفهم معنى أن طاقتك وموهبتك متعطلة”.
وتابعت: “إنك تكون مركون على المعاش وأنت لسه عندك طاقة بدليل، أن العظيمة أمينة رزق كانت بتمثل لأخر يوم في عمرها، اللي تجاوز التسعين سنة، وأنها قدام الكاميرا كانت بتتحول لطاقة فنانة في الثلاثين، المهم أنه أتفهم من البوست أني لاسمح الله محتاجة أمثل علشان محتاجة فلوس مثلاً”.
وأضافت: “وده عرفته من كم التليفونات اللي تلقيتها أو من كم الناس السفلة الشمتانين الكارهين، واللي بيكرهوا أي حد بيقول تحيا مصر، وأحب أوضح لكل الناس محبين أو كارهين أني من فضل الله سبحانه وتعالى مستورة جداً، وأني متزوجة من راجل بيعولني”.
واستكملت: “ومن فضل الله زوجي عنده بزنس ساترني وساتر بيتي وولادي، اللي بفضل الله اتعلموا جوه مصر وسافروا كملوا دراستهم فى أمريكا وألمانيا وبفضل الله وبكرمه، ونعمته واجتهاد زوجي الحمد لله مستورة ، وأن زوجي معاه جنسية أمريكية”.
وقالت: “وأنه من الممكن ننتقل للعيشة في أمريكا ودخلنا، من شغله يكون أعلى بس إحنا زي السمك مانقدرش نسيب مصر وبعتذر لكل القنوات العربية والمصرية اللي كلموني، علشان يستضيفونى علشان نتكلم في البوست”.
وأختتمت: “وبشكر أخواتى وأصدقائي المنتجين في الكويت وفي الأمارات على عروضهم الطيبة وفعلاً الفنان فنه مالهوش حدود تقاس بالكيلومترات، أنا بحبكم”.
نشوى مصطفى تشكو: “حد عنده واسطة عايزة أمثل ومعايا بكالوريوس فنون مسرحية”
وقالت مصطفى عبر صفحتها على فيسبوك، :”حد عنده واسطة عايزة أمثل، انا معايا بكالوريوس فنون مسرحية قسم تمثيل وإخراج بتقدير جيد جداً ومثلت قبل كده وفيه ناس قالت انى ممثلة يجى منى”.
