أغنية “عود البطل” لحسن شاكوش وعمر كمال تزيح محمد رمضان من تريند “يوتيوب” في 7 ساعات
تصدرت أغنية عود البطل لمطربي المهرجانات حسن شاكوش وعمر كمال، تريند موقع الفيديوهات الشهير “يوتيوب”، بعد طرحها صباح اليوم الثلاثاء، حيث اقتربت من تحقيق مليون مشاهدة، في أقل من 7 ساعات، لتزيح أغنية “أنت جدع” للنجم محمد رمضان من القائمة، والتي كانت قد طُرحت منذ يومين واقتربت من 2 مليون مشاهدة.
وتقول كلمات أغنية “عود البطل”: “شفتك قمر طالع..وأحمر خدود فاقع، عود البنات عالي..شقلب لي أنا حالي، يرخص ليك الغالي..يالي سحرتني، عود البطل ملفوف..وأنا لسه ياما هشوف، جايلك وأانا مش مكسوف..ما أنتي عجتبني، واخداني على الهادي.. وجمالها مش عادي، لما بتيجي قصادي بموت 200 مرة، محبش غير هيا.. وعايزها تعيش ليا، يا شاغلة أفكارى.. حسي بأجداري، يا أحلى بنات جاري.. يا فراوة الحتة”، وهي من تأليف مصطفى حدوتة، وتوزيع إسلام ساسو.
وشهدت الأيام الماضية، جدلًا واسعًا على مواقع التواصل الاجتماعي، بسبب مطربين المهرجانات الشعبية، والقرار الذي أصدره الفنان هاني شاكر نقيب المهن الموسيقية، بمنعهما نهائيًا من الغناء، لما يقدمونه من إسفاف وألفاظ بذيئة.شاهد مهرجان عود البطل حسن شاكوش وعمر كمال 2020 كامل (فيديو)
وعلق نقيب المهن الموسيقية الفنان هاني شاكر، على القرار الذي اتخذه بمنع التعامل مع مطربي المهرجانات، وعدم التصريح لهم بالغناء مرة أخرى، بالإضافة إلى الداعمين لعودة هؤلاء الممنوعين للغناء في الحفلات من جدبد.
وصرح شاكر، خلال لقائه في برنامج “Mbc trending”: “الإسفاف الكتير اللي بقيت بشوفه مؤخرًا، وكان آخره إن تتغنى خمور وحشيش في التليفزيون، ملايين من الناس بتشوفها والاَلاف بيسمعوها في الاستاد، كان لازم وقفة، بعد الفضيحة اللي حصلت في ستاد القاهرة كان لازم يبقى في وقفة”.
وتابع الفنان هاني شاكر: “وموضوع الفلاشة دا، الجريمة وقعت، زي ما أستاذ حلمي بكر قال القتيل اتقتل، الكلمة اتسمعت على الهواء”.
وأضاف: “أنا باركت لهم على الغنوة، وهي ناجحة لوحدها، مش محتاجة إن يبقى فيها الكلمتين دول، فيا ريت تغيروها، وقالولي غيرناها يا أستاذ هاني، واتفاجئت في الحفلة إن الكلمة ماتشالتش، كل الناس اللي بتشغل الغنوة دلوقتي بتتقال كدا”.
واستكمل نقيب الموسيقيين: “أنا لا خربت بيوت ولا قطعت رزق حد، أنا خايف على الأجيال الصغيرة وأولادنا، وهما شغالين برا مصر وزي الفل، ما قطعناش عيش حد ولا رزق حد، لكن خايف على شكل مصر والأجيال اللي جاية”.
وأما عن الفنانين الداعمين لمطربي المهرجانات، فأكد: “دي ناس عايزة تركب الموجة، ولو أولادهم سألوهم يعني إيه حشيش أعتقد إنهم هيتهزوا، اللي عايز يركب موجة يركب، أنا براعي ربنا”.
