أحمد فلوكس: “مش هشتغل مع السبكي تاني.. وليا عنده 20 ألف جنيه” (فيديو)
قال الفنان أحمد فلوكس، أنه يحب الطبقة الشعبية ويميل إليها، على الرغم من إنه ينتمي إلى عائلة أرستقراطية، وذلك خلال لقائة مع المخرجة إيناس الدغيدي ببرنامج “شيخ الحارة والجريئة”، والذي يعرض على شاشة القاهرة والناس.
وتابع فلوكس: “مش ندمان على فيلم 30 يوم في العز مع السبكى.. فأنا كنت محتاج أشتغله جدا.. لأنه بيميل للطبقة الشعبية وديه طبقة أنا بحبها .. رغم أننا من أسرة أرستقراطية.. ولكن مش هشتغل مع السبكي تاني.. هو منتج جميل محترم وبيحب الفن وطيب.. لكن عندي خلاف معاه أنه لا ينفذ اتفاقياته.. مابيدفعش أصلا.. وباقيلي 20 ألف جنيه “.
وحول تقديمه لشخصية أنور وجدى فى مسلسل “أنا قلبي دليلى”، قال فلوكس، “كان ممكن أمثل أنور وجدي بشكل أفضل من كده .. رغم أنى راضي عن أدائي.. فأنا اعتمدت على أفلامه فقط.. كان ذكي لكن عصبي جدا”.
أحمد فلوكس عن محمد رمضان: “من بعد عادل إمام ومحمود عبد العزيز مبشوفش نجوم”
وحول سؤاله عن من هو نجم مصر حاليا، فقال فلوكس، “السقا مدرسة كلنا جرينا وراها.. أما عز لما اشتغلت معه فى الممر لقيته بيشتغل على نفسه بشكل مش طبيعي وبيحترم كل الناس.. أما أمير تعب جدا في حياته وأخد السلم من تحت.. وأعرفه من أيام الجامعة”.
