أحمد سعد ردًا عن أنباء زواجه: يا رب أكون عريس في 2024
علق الفنان أحمد سعد، على أنباء زواجه خلال الأيام المقبلة، وذلك بعد انفصاله في الأشهر الماضية عن علياء بسيوني.
حقيقة زواج أحمد سعد
وفي أول رد له بعد أنباء زواجه، قال أحمد سعد: الناس كلها بتقول إني هكون عريس في 2024، وأنا مش عارف بس يا رب أكون عريس في 2024، وإن شاء الله خطتي في 2024 أنها تكون ازدهار أكتر وأكتر زي 2021 و2022 و2023، وإن شاء الله أكون عند حسن ظن الجميع.
وتطرق أحمد سعد، للحديث عن مشاركته في عمل فني مع شقيقه عمرو سعد، وذلك بعدما صرح الأخير بهذا: هكون سعيد لو مثلت مع عمرو سعد لآن الناس بتصدقه وعنده جمهور كبير وهيكون حظي حلو فعلًا.
أغنية بعتذرلك
وأكد أحمد سعد، أن أغنيته التي حملت اسم بعتذرلك، موجهه لـ ابنته، قائلًا: الأغنية متوجهه لناس فعلا بس متوجهه لبنتي لإني مش معاها دلوقتي.
أغنية بعتذرلك لـ أحمد سعد
طرح الفنان أحمد سعد مؤخرًا بعتذرلك، عبر قناته الرسمية بموقع يوتيوب وجميع منصات الاستماع بالعالم العربي، من كلمات محمد الشافعي، وألحان إسلام رفعت، وتوزيع وهندسة صوت يحيى مهدي، وتقول كلمات الـغنية: بعتذرلك إني دايمًا كنت أقصر في الكلام، وإني بسرح لما أشوفك ف أبتسم لك والسلام وإني جاهل في المعاملة والمجاملة والاهتمام، وإني عاجز إني أفسر صوت مشاعري وإني خام وإن قلبي بيبكي جدًا لو يحسك هاتسيبيه وإن حضني ساعات ماكنش يسمح إنك تبقي فيه، وإني عادي ومش مثالي وإني سهل ومش حويط، وإن بير أسراري خالي وإني بني آدم بسيط، وإني ناقص كام بحبك كام عشقتك كام بغير، وإني بسمح للخناق إنه يتحكم كتير، وإني عادي ومش مثالي وإني سهل ومش حويط، وإن بير أسراري خالي، وإني بني آدم بسيط، وإني ناقص كام بحبك كام عشقتك كام بغير.
