خطيبها مات يوم الفرح.. جار صاحبة تريند فتاة الفستان الأبيض يكشف أسباب غنائها في الشوارع ليلًا
تصدر فيديو لـ فتاة من محافظة الزقازيق، تريند مواقع التواصل الاجتماعي خلال الساعات الماضية، إذ ظهرت الفتاة أمام أحد محلات فساتين الزفاف في شارع الغشام، وهي تردد أغنية هو إحنا بعدنا ليه لـ الفنان محمد حماقي، بنبرة صوت حزينة تحمل الضعف والانكسار، مما أثار حالة تعاطف واسعة بين مستخدمي السوشيال ميديا.
جار صاحبة تريند الفستان الأبيض يكشف تفاصيل حالتها
وقال محمد أحمد أحد جيران الفتاة في تصريحات خاصة لـ القاهرة 24: البنت دي جارتنا، واسمها ابتسام، ودلوقتي بتنزل تلف في الشوارع كل يوم، بسبب حالتها النفسية وظروفها صعبة جدًا، بشوفها كتير ناحية الزقازيق القومية بجوار الموقف، وبتلف على محلات فساتين الزفاف كل يوم.
وتابع: السبب اللي وصلها للمرحلة دي، أنها يوم فرحها من 9 شهور خطيبها مات بسبب طلق ناري عن طريق الخطأ، عشان خاطر الناس عندنا في الزقازيق، الناس بتحيي العرسان بضرب النار، فهو خد رصاصة بشكل خاطئ ومات الله يرحمه، وللأسف بقالها كده فترة كبيرة ربنا يخفف عنها ويصبرها يا رب.
