نادر حمدي: بهني أحمد سعد على شجاعته بألبوم حبيبنا.. وصوت كل فنان بياخد المزيكا في حتة مختلفة
أعرب الموزع الموسيقي نادر حمدي، عن سعادته بالنجاح الكبير الذي حققه ألبوم حبيبنا لـ الفنان أحمد سعد، مؤكدًا اللون الغنائي للألبوم أعاد للأذهان اللون الذي بدأ به سعد.
وقال نادر حمدي، في لقائه مع القاهرة 24: أنا بهني أحمد على التعب اللي تعبه في الألبوم، والفكرة اللي خدها من برا الصندوق فجأة أنه يعمل الألبوم بالشكل الموسيقي ده برا الشكل اللي بيقدمه والناس متعودة عليه، بهنيه على شجاعته أنه خد خطوة زي كده.
وتابع نادر حمدي: أنا أصلًا بحلل كل حاجة بطبيعتي ولما باجي أتعامل مع فنان بيبقى فارق معايا الأغنية وكلامها وبحاول أتوحد معاه وأبقى شبهة، وكل واحد له مزيكا مختلفة، مزيكا عمرو دياب غير أنغام غير العسيلي غير أحمد سعد، كل واحد له مزيكا مختلفة حتى صوته لما بيدخل على المزيكا بياخدها لـ حتة تانية.
نادر حمدي: أحمد سعد سلس في التعامل
وواصل نادر حمدي: بحب أغنية مفتقدني جدًا، وأنا اتفاجئت بـ أحمد سعد كالعادة هو كل مرة بيفاجئنا زي ما عمل في أغنية سايرينا يا دنيا، بس دي حركات بتبقى مفيدة في نشر الأغنية وتعلق في ودان الأغنية والحركة كمان، وأحمد سلس جدًا في كل حاجة وبيدي العيش لـ خبازه، ولو حاجة هو مش فاهم فيها مبيتدخلش فيها خالص.
